Drykkjarmiðar
Drykkjarmiðar á viðburði, stafrænir og skannaðir
Ordo er með innbyggt drykkjarmiðakerfi. Þú velur hvað hver gestur fær marga drykkjarmiða, þeir fylgja aðgöngumiðanum í símann og barþjónninn skannar sama QR kóða og dyravörðurinn.
Hvað eru drykkjarmiðar?
Drykkjarmiði er inneign sem gesturinn fær með miðanum
Drykkjarmiðar, stundum skrifað drykkjamiðar og oft kallaðir barmiðar, eru miðar sem gestur fær með aðgöngumiðanum og notar til að sækja veitingar án þess að borga á staðnum. Á árshátíðum, þorrablótum og tónleikum er algengt að einn til þrír drykkjarmiðar séu innifaldir í miðaverðinu.
Í Ordo eru drykkjarmiðarnir stafrænir. Í stað þess að prenta, telja og afhenda pappírsmiða úthlutar þú inneign á hvern gest. Inneignin liggur á QR kóða gestsins og gengur niður í hvert sinn sem barþjónninn skannar.
Þannig týnir enginn miðunum sínum, enginn ljósritar þá og þú sérð nákvæmlega hvað var innleyst, hvenær og á hvaða bar.
Hvernig það virkar
Frá miðakaupum yfir í drykk á fjórum skrefum
Drykkjarmiðarnir eru hluti af viðburðinum sjálfum, ekki sérkerfi sem þarf að halda utan um.
- 1
Veldu fjölda á gest
Í viðburðastillingunum setur þú hvað hver gestur fær marga drykkjarmiða. Miðarnir verða til sjálfkrafa um leið og gestur skráir sig eða kaupir miða.
- 2
Gestir fá miðana í símann
Drykkjarmiðarnir liggja á sama QR kóða og aðgöngumiðinn, í tölvupósti og í Apple Wallet eða Google Wallet. Staðan uppfærist eftir því sem gengur á inneignina.
- 3
Barþjónninn skannar
Ordo POS les QR kóðann, dregur rétta upphæð af inneigninni og pöntunin fer beint í afgreiðslu. Ein skönnun klárar afgreiðsluna, engin bið eftir posa.
- 4
Fylgstu með í rauntíma
Mælaborðið sýnir hve margir miðar voru gefnir út, hvað hefur verið innleyst og hvað stendur eftir, á meðan viðburðurinn er í gangi.
Eiginleikar
Drykkjarmiðakerfi sem ræður við raunveruleikann á barnum
Kerfið er byggt utan um viðburði þar sem röðin er löng, starfsfólkið er á hlaupum og gestir spyrja spurninga.
Inneign í stað pappírs
Hver gestur fær inneign sem gengur niður við hverja skönnun. Ekkert að prenta, telja eða gera upp í lok kvölds.
Verðþrep á drykki
Þú stýrir hvað hver vara kostar marga miða. Bjór og gos geta kostað einn miða en dýrari drykkir fleiri.
Gildir á þínum sölustöðum
Miðarnir gilda á þeim börum og sölustöðum sem tilheyra viðburðinum, ekki í annarri sölu hjá fyrirtækinu.
Renna út með viðburðinum
Inneignin hefur gildistíma sem miðast við viðburðinn sjálfan, svo ónotaðir miðar flytjast ekki á næsta viðburð.
Hægt að afturkalla skönnun
Skannað í ógáti eða drykkur felldur? Hver innlausn er skráð sérstaklega og hægt er að afturkalla hana, inneignin fer strax til baka á gestinn.
Handvirkir aukamiðar
Gefðu starfsfólki, listamönnum eða samstarfsaðilum drykkjarmiða handvirkt, líka þeim sem eru ekki á gestalistanum.
Pappír eða stafrænt
Af hverju stafrænir drykkjarmiðar?
Pappírsmiðar virka alveg þangað til eitthvað bregður út af. Þá er enginn að fletta upp neinu.
Pappírsmiðar
- Prenta, klippa og telja fyrir viðburðinn
- Gestir týna þeim eða gleyma þeim heima
- Auðvelt að ljósrita eða endurnýta
- Uppgjörið byggir á talningu eftir kvöldið
- Enginn veit stöðuna fyrr en daginn eftir
Drykkjarmiðar í Ordo
- Verða til sjálfkrafa við skráningu eða miðakaup
- Liggja í símanum með aðgöngumiðanum
- Hver skönnun er skráð og gengur á inneignina
- Tölurnar liggja fyrir um leið og skannað er
- Rauntímayfirlit á meðan viðburðurinn stendur yfir
Yfirsýn
Það sem viðburðastjórinn sér
Allar tölur um drykkjarmiða eru á einum stað í viðburðinum, bæði á meðan hann stendur yfir og eftir á.
Þekjuhlutfall gesta
Sjáðu hvaða hlutfall gesta er komið með drykkjarmiða og hverjir eru enn án þeirra.
Innleyst og eftirstöðvar
Heildartölur yfir notaða og ónotaða miða uppfærast jafnóðum, svo þú sérð hvenær álagið kemur á barinn.
Staðan á hvern gest
Gestalistinn sýnir hvaða miða hver gestur á og hvað hann hefur þegar notað, gott þegar spurningar koma upp á staðnum.
Gögn til uppgjörs
Innlausnir eru skráðar hver fyrir sig með tíma og sölustað, svo uppgjör við bar og birgja byggir á tölum en ekki minni.
Hentar fyrir
Viðburðir þar sem drykkjarmiðar eru hluti af miðanum
Sama kerfi hvort sem gestirnir eru 80 eða 5.000 og hvort sem barirnir eru einn eða fimm.
Tengt efni
Drykkjarmiðar eru hluti af stærri lausn
Algengar spurningar
Algengar spurningar um drykkjarmiða
Viltu drykkjarmiða á næsta viðburð?
